السفة بالدجاج + بالصور // مرحلة مرحلة جد لذيذة !!!

بالنسية اللمرقة فهية ساهلةةةةة

الدجاج لي بغيتي حطيه فبرمة + الربيع مقطع +2البصلة مشلضة(أنا درت البصلة بزاافحيت عزيزة علية دغميرة ولكن غ 2 كافيين)+معلقة السمن+الزعفران الحر+البزار+سكين جبير+الملح+الزيت+ الخرقوم ونشعلو البوطة

بلا متقلى تنزيدو الماء باش يطيب الدجاج

منديروش الماء بالزاف حيت حاجتنا بالمرقة وووااااااااقققققفة فيها غير الزيت




من بعد ندوزو للشعرية


نخدو الشعرية و ندهنوها بالزيت مزيان حت يبقاو يدينا مزيتين




نتسناو تغلى البرمو ة نططوها فالكسكاس نخليوها حت يطلع فيها البخار مزيان و تبان لينا بحال لمشوكة و تتبقى قاصحة شوية




نزلوها من الكسكاس و نسقيوها بالماء و شوية الملح تقريبا كاس ديال الماء بالنسبة ل نص كيلو ونخلطوها مزيان باش تشرب الماء و نسقطروها من الفائض عاد نردوها للكسكاس ونخليوها الوقت الكافي حت تبان لينا بداتت تتبياض وتتعزل كل حبة بوحدها




تم نزلوها من الكسكاس مرة اخرى و نزيدوها الماء تقريبا نفس الكمية ديال المرة الاخرى وغدي تبان لينا بدات تترطاب و تتزيد تبياض ونخليوها تشرب شوية غير واحد 2 دقائق ولكان شي ماء شايط فيها نحيدوه عاد نردوها تتفور المرة الثالتة و الاخيرة




منين تفور مزيان يعني بانت ليكم وصلات للحد ديال الرطوبة لي بغيتو و زادت بياضت نزليها من الكسكاس و دهنيها بالزبدة 3 ديال المعالق كبار عامرين مزيان بالنسبة ل نص كيلو







و تم خلي المرق حتي يتشرب مزيان




و حطي المرق غير فالوسط




بالصحة و الراحة
اللهم أدمها نعمة و حفضها من الزوال